Gwasanaethau Campws

Mae Gwasanaethau Campws yn cyffwrdd â phob agwedd ar eich profiad ym Mhrifysgol Bangor. Boed yn goffi bach, yn ymarfer corff, neu’n gymorth gan y timau diogelwch neu’r neuaddau, rydym ar gael i helpu.

Sut allwn ni eich helpu chi heddiw?

Ffoniwch 333 ar ffôn mewnol neu ffoniwch y Tîm Diogelwch ar 01248 382795 (estyniad 2795).

Mae manylion y drefn argyfwng yn

Cewch ffonio 999 hefyd, wrth gwrs, mewn argyfwng, ond cofiwch roi gwybod i'r staff Diogelwch hefyd bob amser ar unwaith os byddwch yn cysylltu â’r Gwasanaethau Brys.

Tîm Diogelwch y Brifysgol sy'n gyfrifol am ddiogelwch y myfyrwyr, y staff ac ymwelwyr, yn ogystal ag amddiffyn ystâd y Brifysgol. Mae'r staff yn cynnig cymorth cyntaf ac maent ar gael i roi help a chyngor cyffredinol.

Am gymorth neu ymholiadau lle nad oes argyfwng, cysylltwch â'r Ganolfan Rheoli Diogelwch ar 01248 382795 (estyniad 2795) neu ewch i gaban diogelwch. Gall y tîm roi cyngor neu drefnu cymorth.

Mae'r brif Ganolfan Rheoli Diogelwch ym Mhontio. Mae rhywun yn y caban 24 awr y diwrnod Mae caban arall ym Mhentref y Myfyrwyr ar Safle Ffriddoedd ac mae staff diogelwch ym Mhentref y Myfyrwyr ar safle'r Santes Fair.

I geisiadau lle nad oes argyfwng (fel atgyweiriadau neu ymholiadau ynglŷn â gwasanaeth), cysylltwch â Desg Gymorth Gwasanaethau’r Campws:

E-bost: campuservices@bangor.ac.uk
��ô��: 2783 (mewnol) neu 01248 382783 (allanol)

Pwysig: NID cefnogaeth gyda Thechnoleg Gwybodaeth yw hyn. Am help gyda TG, ffoniwch 8111 (mewnol) neu 01248 388111 (allanol).

Mae Desg Gymorth Gwasanaethau’r Campws ar agor rhwng 08:45 a 17:00 o ddydd Llun i ddydd Gwener. Y tu allan i'r oriau hynny, neu pan fo’r Brifysgol ar gau, mae’r Ddesg Gymorth o dan ofal y Tîm Diogelwch ac mae angen gwneud ceisiadau dros y ffôn yn unig. Caiff y galwadau eu dargyfeirio'n awtomatig.

Ar gyfer Diffygion Brys: Ffoniwch 2783 (neu 01248 382783) i siarad ag aelod o’r staff.

Caiff pob cais ei gofnodi ar ein system.

I roi gwybod am ddifrod neu ofyn am atgyweiriadau, defnyddiwch y system ar-lein:

Gwybodaeth Gyswllt mewn Argyfwng:

Yn ystod oriau swyddfa (9am-5pm, Llun-Gwener), ffoniwch Swyddfa'r Neuaddau: 01248 382667.
Os bydd argyfwng y tu allan i'r amseroedd hynny, cysylltwch â Diogelwch: 01248 382795.

Rydym yn ymrwymo i roi gwybod i chi am eich ceisiadau atgyweirio ac rydym yn gwerthfawrogi adborth gennych ynglŷn â’r contractwyr.

Yn gyffredinol rydym yn byw ac yn gweithio mewn amgylchedd sy'n gymharol ddiogel. Er hynny, mae'n bwysig cofio bod troseddau'n gallu ddigwydd a'ch bod yn ystyried hynny mewn perthynas â'ch diogelwch personol ac o ran diogelu eich eiddo. Dyma rai awgrymiadau:

Sylwch ar eich amgylchedd chi a'r hyn sydd o'ch cwmpas chi
Cadwch at lwybrau cyhoeddus a pheidiwch â cherdded ar eich pen ei hun ar ôl iddi dywyllu nac mewn ardaloedd diarffordd neu ynysig
Cariwch larwm diogelwch personol
Gwyliwch rhag i rywun roi cyffur yn eich diod. Peidiwch byth â gadael eich diod heb fod rhywun yn edrych ar ei ôl.
Clowch eich ystafell wely neu'ch swyddfa pan nad ydych yno
Peidiwch byth â gadael eich eiddo heb oruchwyliaeth mewn ystafelloedd cyfarfod, theatrau darlithio, labordai, llyfrgelloedd nac unrhyw fannau cymunedol
Marciwch eich eiddo
Clowch eich beic yn saff a rhowch eich cod post arno
Parciwch yn rhywle gyda digon o olau, cadwch y pethau gwerthfawr allan o'r golwg a sicrhewch fod y car dan glo pan fyddwch yn ei adael
Defnyddiwch loceri mewn llefydd chwaraeon a pheidiwch â mynd â phethau gwerthfawr gyda chi

Os oes gennych chi unrhyw gwestiynau, cysylltwch â'r tîm diogelwch.

Oes gennych chi ymholiad neu eisiau gadael adborth? Cysylltwch â desg gymorth Gwasanaethau Campws

Parcio ar Campws

Mae angen trwydded barcio i barcio ym meysydd parcio’r Brifysgol. Mae trwyddedau ar gael i’r staff, y myfyrwyr, ymwelwyr a chontractwyr sy’n bodloni’r meini prawf cymhwysedd gofynnol. Cofiwch, dyw trwydded barcio DDIM yn sicrhau lle parcio i chi.

Yn ôl Rheoliadau Parcio’r Brifysgol mae’n rhaid bod trwydded ddilys ar unrhyw gerbyd a gaiff ei barcio ym meysydd parcio’r Brifysgol ac mae’n rhaid parcio mewn llecyn parcio dynodedig.

LLEOLIAD MEYSYDD PARCIO

Cerbydau Trydan

Mae mannau gwefru cerbydau trydan ar gael i ddefnyddwyr awdurdodedig meysydd parcio ar sail y cyntaf i'r felin - mae rheolau mynediad parcio arferol a ffioedd yn berthnasol.

SWARCO E.Connect yw’r darparwr dynodedig gwefru cerbydau trydan ym Mhrifysgol Bangor. Am ragor o wybodaeth ac i gofrestru ewch i .

Sylwch na fydd ein tîm Desg Gymorth yn gallu cynorthwyo gydag ymholiadau gwefru cerbydau trydan. Gofynnwn yn garedig i chi gysylltu â SWARCO E. Connect yn uniongyrchol ar rif eu llinell gymorth 02085158444, neu drwy eu .

Mi gewch chi drwyddedau ymwelwyr gan yr ysgol/yr adran berthnasol i'w rhoddi yn eich car chi pan fyddwch chi'n parcio ar y campws. Pan ddewch chi at rwystr mynediad y maes parcio, pwyswch y botwm intercom i ddweud eich bod wedi cyrraedd.

Cofiwch fod Rheoliadau Parcio'r Brifysgol yn gymwys i bob car sy'n parcio ar y campws.

Gofynnwn i chi barcio mewn man parcio dynodedig bob amser, a pheidiwch â pharcio ar linellau melyn dwbl a mannau lle ceir llinellau croes.

Os oes gennych chi unrhyw gwestiynau ynglŷn â pharcio ymwelwyr, cysylltwch â ni ar 01248 382783 neu ar ebost.

91��

Chwilio