91�����

Ar 27 Ionawr, penderfynodd tîm Gweithredu dros Blant wneud rhywbeth ychydig yn wahanol ar gyfer eu hymarfer adeiladu tîm – sef dathlu’r Flwyddyn Newydd Tsieineaidd gyda’i gilydd. Roedd y digwyddiad yn gymysgedd ysbrydoledig o weithgareddau diwylliannol, a oedd yn meithrin creadigrwydd, cysylltiad, a chydweithio ymhlith aelodau'r tîm.

Roedd uchafbwyntiau’r gweithdy’n cynnwys sesiynau llusernau Tsieineaidd traddodiadol a Chlymau Tsieineaidd, lle aeth staff ati i ddysgu sut i greu dyluniadau cymhleth i symboleiddio lwc a ffyniant. Dan gyfarwyddyd tiwtoriaid arbenigol, roedd y gweithgaredd ymarferol hwn yn annog ymwybyddiaeth ofalgar a gwaith tîm wrth gyflwyno cyfranogwyr i agwedd allweddol ar dreftadaeth ddiwylliannol Tsieina.

Roedd perfformiad byw syfrdanol y chwaraewr erhu dawnus, Yushan Gao, yn ychwanegu at yr awyrgylch. Roedd alawon arswydus o hardd yr offeryn dwy-linyn traddodiadol hwn yn gefndir perffaith i’r dathlu, gan adael y cyfranogwyr wedi’u swyno.

Wrth fyfyrio ar y digwyddiad, rhannodd Maria Bulkeley, sef Arweinydd Tîm Gwasanaeth, “Roedd y tîm cyfan wneud mwynhau creu llusernau a chlymau Tsieineaidd yn fawr. Roedd yn ffordd wych o ddod at ein gilydd fel tîm wrth ddathlu diwylliant mor fywiog. Byddwn yn bendant yn ei argymell i eraill.”